Қасым-Жомарт Тоқаевқа Арнаулы өкіл Изабель Дюмон Франция Президенті Эмманюэль Макронның хатын табыс етті, деп хабарлайды Egemen.kz Ақорда баспасөз қызметіне сілтеме жасап.
Қасым-Жомарт Тоқаев Изабель Дюмонға ілтипат білдіре отырып, жолдаған игі сәлемі үшін Президент Эмманюэль Макронға алғыс айтты. Сондай-ақ Франция Қазақстанның Еуропадағы басты саяси және экономикалық серіктестерінің бірі екенін атап өтті.
Кездесу барысында жоғары деңгейде қол жеткізілген уағдаластықтарды жүзеге асыруға бағытталған екіжақты қатынастарды одан әрі нығайту перспективалары талқыланды.
