Ресейлік фотограф Андрей Тюшин Батыс Қазақстан облысында табиғаттың таңғажайып құбылысын түсіріп алды.
Андрей Тюшин Instagram-дағы парақшасында мәлім еткендей, оқиға 23 сәуірден 24-іне қараған түні болған.
«Поляр шұғыласы туралы айтқанда, біз бірден Исландия, Финляндия, Ресейдің қиыр солтүстігі туралы ойлаймыз. Қазақстанды еске алмаймыз. Бірақ 23 сәуірден 24-іне қараған түні жерде қуаты орасан магниттік дауыл тұрып, поляр шұғыласын Қазақстанға дейін жеткізді! Маған бүгін түнде Оралдың (БҚО) оңтүстігіне қарай 30 шақырым қашықтықта Қазақстан даласындағы бірегей көрініс – Аврора биін көру бақыты бұйырды», деп жазды А.Тюшин парақшасында.
Ресейлік фотограф демалыс алып, Батыс Қазақстан облысына келген.
