Алматыда субұрқақтарды іске қосу үшін дайындық жұмысы жүргізілуде.
«2023 жылдың ақпан айында қабылданған субұрқақ шаруашылығын күтіп ұстау мен техникалық қызмет көрсетудің жаңа ережелері бойынша қаладағы субұрқақтар 1 мамырдан 1 қазанға дейін күн сайын таңғы сағат 08:00-ден түнгі сағат 23:00-ге дейін жұмыс істейтін болады»,- деп хабарлады қалалық әкімдіктен.
Бұрын субұрқақ маусымы 25 мамырдан 25 қазанға дейін созылды.
Айта кетерлігі, субұрқақтар +5°C-тан жоғары температурада жұмыс істей алады.
Бүгінгі таңда Алматыда 150 субұрқақ бар, оның 64-і коммуналдық меншікте.
Қауіпсіздікті қамтамасыз ету мақсатында онда шомылуға қатаң тыйым салынады. Ол үшін ескерту жазасы бар қалқандар орнатылады.
«Сондай-ақ, ережеде сымдардың электр оқшаулауы бұзылған субұрқақ жабдықтарын пайдалануға тыйым салынады, суды толық тазартпайынша ол іске қосылмайды әрі қауіпсіздік үшін видеобақылау жүйесімен қамтамасыз ету ұсынылады. Субұрқақтың электр жабдықтарын жөндеу және қызмет көрсету жұмысы кезінде қауіпсіздік талабын қатаң сақтау қажет»,- деп атап өтті әкімдіктің баспасөз өкілдері.
