Тұрғын үй маңдайшасы жоспарлы жөндеу жұмыстарын жүргізу кезінде құлаған. Бұл туралы Ақтау қаласы әкімінің баспасөз қызметінен мәлім етті.
«Тұрғын үй инспекциясының мәліметінше, 9-шағынаудандағы 4-үй кіреберісінің маңдайшасына жоспарлы жөндеу жұмыстарын жүргізу кезінде маңдайшасы құлады. Салдарынан «Татьяна» мекемесінің сервистік компаниясы «Несібе Мол» жеке кәсіпкерлігінің бір қызметкері қаза тауып, екі адам ауруханаға жеткізілді. Қаза тапқан қызметкердің жақындарына қайғырып көңіл айтамыз», — делінген мәліметте.
Қазіргі таңда оқиға орнында полиция және Төтенше жағдайлар қызметкерлері тергеу жұмыстарын жүргізіп жатыр.
ҚазАқпарат
