Футболдан биылғы Чемпиондар лигасының финалына шыққан екінші команда анықталды. «Манчестер Сити» қарымта ойында «Реалды» 4:0 есебімен ұтып, финалға шықты.
Мадридте өткен бірінші ойында 1:1 есебі тіркелген. Манчестерде алаң иелері айқын басымдық танытып, жарқын жеңіске жетті. «Манчестер Сити» сапынан бірінші таймда Бернардо Сильва дубль жасаса, екінші таймда бір голды Эдер Милитао өз қақпасына соғып алды. Ал соңғы минутта алаңға шыққан Хулиан Альварес төртінші голды өз еншісіне жазды.
