Ұлттық банк төрағасы Ғалымжан Пірматов мұнай нарығындағы ахуалға қатысты айтты.
«Мұнай нарығындағы ахуал, ең алдымен, келешектегі сұранысқа байланысты белгісіз болып тұр. Жоғары пайыздық мөлшерлемелер ықтимал рецессия тәуекелдерін арттыруда. Болжамдар бойынша осы жылғы мұнайға деген сұраныс өсімінің жартысын қамтамасыз ететін Қытай экономикасы қалпына әлсіз келіп жатыр», — деді Ғалымжан Пірматов.
Оның атап өтуінше, мұнай өндірісін қосымша азайту туралы ОПЕК+тің хабарландыруы және жақын арада мұнай тапшылығының пайда болу болжамдары бағаны қолдау үшін жеткіліксіз болды.
«Нәтижесінде қазіргі уақытта мұнайдың құны базалық сценарийден төмен қалыптасып отыр», — деді Ұлттық банк төрағасы.
ҚазАқпарат
