Түркістан облысы жолаушылар көлігі және автомобиль жолдары басқармасына жаңа басшы тағайындалды.
Қуатжан Әзімбайұлы Көлік және коммуникациялар академиясын, Қазақстан халықтар достығы университетін бітірген. Еңбек жолын 2002 жылы «Т.Рысқұлов» ЖШС-де механик-контролер болып бастаған. Түрлі жылдары қалалық жолаушылар көлігі және автокөлік жолдары бөлімінде қызмет етті.
2012 жылдары Өскемен, Атырау және Маңғыстау қалаларындағы жолаушылар көлігі бөлімдерінде жұмыс істеді.
2012 жылдың қазан айынан Шымкент қалалық ЖК және АЖ, ТҮКШ бөлімінің жолаушылар көлігі және автокөлік жолдары секторын басқарды. Ал, 2013 жылы Шымкент қалалық жолаушылар көлігі және автокөлік жолдары бөліміне басшы болып тағайындалса, 2018 жылдың шілдесінен бастап – Шымкент қаласының жолаушылар көлігі және автомобиль жолдары басқармасының басшысы болды. 2020 жылдан бастап — «Нұра топтық су құбыры» шаруашылық жүргізу құқығындағы РМК филиалы директорының орынбасары, 2021 жылдан бастап – «ҚазАвтоЖол» ҰК» АҚ Түркістан облыстық филиалының директоры лауазымдарын атқарды.
