Агенттіктің Шығыс Қазақстан облысы бойынша департаменті Chia Tai — Tianqing Pharmaceutical қаржы пирамидасын құру және басқару күдігі бойынша сотқа дейінгі тергеу жүргізіп жатыр, деп хабарлайды ҚазАқпарат.
Аталған фирманы ұйымдастырушылар 2022 жылдың қазан айынан 2023 жылдың сәуіріне дейін Telegram мессенджері арқылы жалған фармацевтика компаниясы атынан салымшылардан заңсыз ақша алған.
Қаржы пирамидасына Шығыс Қазақстан облысы бойынша 234 азамат 350 млн теңгеден астам қаражат салған.
Іс бойынша қаржы пирамидасы құрылымдық бөлімшесінің басшысы соттың санкциясымен қамалды.
Тергеу жалғасып жатыр.
«Қаржы пирамидаларын құру қылмыстық жауапкершілікке әкеп соғатынын және мүлкін тәркілеумен 10 жылға дейін бас бостандығынан айыру түріндегі жазаны қарастыратынын ескертеміз. Егер Сіз және Сіздің жақындарыңыз қаржы пирамидасының әрекетінен зардап шексе, тұрғылықты жеріңіз бойынша ЭТТД хабарласуыңызды сұраймыз» дейді агенттіктен.
