2023 жылғы 19 қазанда Астана қаласының қылмыстық істер жөніндегі ауданаралық соты Әбілхан Боранбаевтың лауазымды тұлғаларға пара беру фактісі бойынша (ҚК-нің 367-бабының 2-бөлігі) және Дәурен Қазбектің құқық қорғау органының лауазымды қызметкері бола тұра пара алу фактісі бойынша (ҚК 366-бабы 3-бөлігінің 2) тармағы) қатысты қылмыстық істі қарады, деп хабарлады Azattyq Ruhy.
Боранбаев аға жедел уәкілі Қазбек мен Ш.-ға (тергеу кезінде қайтыс болуына байланысты іс тоқтатылды) жалпы сомасы 1,6 млн. теңгеден астам пара берген.
Өз кезегінде Қазбек және Ш., адамдар тобында алдын ала сөз байласу арқылы пара алып, тергеу-қамауға алынған Б.-ны айдауылдау кезінде оған мобильді байланыс, кездесулер, туған күнін алкогольді ішімдіктерді қолданумен тойлау арқылы үшінші тұлғалармен процестік емес байланысқа түсуіне заңсыз мүмкіндік берген.
Прокурор айыптауды қолдап, сотталушыға Әбілхан Боранбаевқа-ға 4 жыл 6 ай мерзімге, ал сотталушыға Қазбекке 7 жыл мерзімге бас бостандығынан айыру жазасын тағайындауды сұрады.
Қорғаушы тарап Боранбаев және Қазбекке ҚК-нің 55-бабының 4-бөлігін (төменгі шегінен төмен) қолдана отырып, айыппұл түрінде жаза тағайындауды сұрады.
Сотталушылардың кінәсі сотталушылардың, куәгерлердің айғақтарымен, банктік мәліметтердің үзінділерімен, берпе-бет кездестірулермен, сараптамалардың қорытындыларымен, сыртқы бейнекамералардың бейнежазбаларымен, оқиға болған жерді қарау хаттамасымен және қылмыстық істің басқа да материалдарымен дәлелденді.
Сот Боранбаевтың 4 жас балаларының болуын, кінәсін мойындауын, шын жүректен өкінуін, қылмыстық құқық бұзушылықты ашуға және қылмыстық құқық бұзушылықтың басқа да қатысушыларын әшкерелеуге белсенді ықпал еткенін, ал Қ.-ның 3 жас балаларының болуын, кінәсін мойындауын және шын жүректен өкінуін қылмыстық жауаптылық пен жазаны жеңілдететін мән-жайлар ретінде таныды.
Сотталушылардың қылмыстық жауаптылық пен жазасын ауырлататын мән-жайлар анықталған жоқ.
«ҚК-нің 367-бабы 2-бөлігінің санкциясы мүлкі тәркіленіп, белгілі бір лауазымдарды атқару немесе белгілі бір қызметпен айналысу құқығынан өмір бойына айыра отырып, параның 30-дан 40 еселенгенге дейінгі сомасы мөлшерінде айыппұл не 3 жылдан 7 жылға дейінгі мерзімге бас бостандығынан айыру түріндегі жазаны көздейді.ҚК-нің 366-бабы 3-бөлігінің санкциясы мүлкі тәркіленіп, белгілі бір лауазымдарды атқару немесе белгілі бір қызметпен айналысу құқығынан өмір бойына айыра отырып, параның 60-тан 70 еселенгенге дейінгі сомасы мөлшерінде айыппұл не 7 жылдан 12 жылға дейінгі мерзімге бас бостандығынан айыру түріндегі жазаны көздейді», — деп хабарлады Астана қаласының қылмыстық істер жөніндегі ауданаралық соты.
Сот үкімімен Б. ҚК-нің 367-бабының 2-бөлігінде көзделген қылмыстық құқық бұзушылық жасағаны үшін кінәлі деп танылып, мемлекеттік қызметте және квазимемлекеттік секторда лауазымдарды атқару құқығынан өмір бойына айырыла отырып, 4 жыл 6 айға бас бостандығынан айырылды.
Қ. ҚК-нің 366-бабы 3-бөлігінің 2) тармағында көзделген қылмыстық құқық бұзушылық жасағаны үшін кінәлі деп танылып, оған мемлекеттік қызметте және квазимемлекеттік секторда қызмет атқару құқығынан өмір бойына айыра отырып, 7 жыл мерзімге бас бостандығынан айыру түріндегі жаза тағайындалды.
Үкім заңды күшіне енген жоқ.
