Талдықорған қаласы полиция басқармасының бастығы Марат Күштібаев қамауға алынды.
Бұл туралы алдымен әлеуметтік желіде 13 қаңтарда жарияланған болатын.
Бүгін Жетісу облысы полиция департаментінің басшысы Атығай Арыстанов ақпаратты растады. Оның айтуынша, 27 жастағы әйелді зорлағаны үшін Күштібаевқа қатысты Қылмыстық кодекстің 120-бабының 2-бөлігі бойынша қылмыстық іс қозғалды.
Қазір сотқа дейінгі тергеу аясында қажетті сараптамалар жасалып, оқиғаның мән-жайы анықталып жатыр.
