2009 жылмен салыстырғанда ішкі көші-қон ағыны өсті, деп хабарлайды Kazinform.
Ұлттық статбюро мәліметінше, ішкі көші-қон көлемі 2009 жылы 2,3 млн адамнан 2021 жылы 2,6 млн адамға дейін ұлғайған.
Қазақстандықтар Алматы қаласына (357,9 мың адам), Алматы облысына (286,1 мың адам) және Астана қаласына (283,5 мың адам) көп қоныс аударған.
Қызылорда және Атырау облыстарына ең аз халық – тиісінше 72,9 мың және 72,5 мың адам көшіп барған.
Бұл ретте өз елдімекенінен көшіп кетушілердің ең аз саны Маңғыстау облысында (71,8 мың адам) тіркелді.
Керісінше халқы жиі көшіп кеткендер саны бойынша Алматы облысы көш басында – 307,8 мың адам.
