Шымкент қаласында интернет жылдамдығын арттыру мақсатында 5G станциялары орнатылуда. Шымкент қаласы цифрландыру басқармасы басшысының орынбасары Айдос Өмірәлінің айтуынша, шаһарда «Kcell» акционерлік қоғамының тарапынан 5-G технологиясымен 72 базалық станция, ал 4-G технологиясымен 61 станция орнатылыпты. Сондай-ақ 60 станцияға қайта жаңғырту жұмыстары жүргізілген.
— Бүгінгі таңда «Kcell» акционерлік қоғамның 100 базалық станцияны 5G технологиясын 218 станцияны және 4G технологиясымен 200 базалық станцияға қайта жаңғырту жұмыстарын жүргізеді. Сонымен қатар «Кар-Тел» жауапкершілігі шектеулі серіктестігі интернет сапасы төмен 26 базалық станцияға 4-G орнатады, 20 базалық станцияға қайта жаңғырту жұмыстарын жүргізеді. Биыл интернет сапасы төмен 29 нүктеге базалық станция орнату жұмыстары жоспарланып, сәулет, қала құрылысы және жер қатынастары басқармасымен бірлесе жер телімдерін рәсімдеу жұмыстары жүргізілді. Қазіргі таңда, инвестор тарапынан антенна-мачталық құрылғыларды орнату жұмыстары жүргізілуде. Шалғайда орналасқан елді мекендер мен шағын аудандарды сапалы интернет желісімен қамту үшін басқарма тарапынан мобильді байланыс операторларымен бірлесе өткен жылы интернет сапасы төмен 14 нүктеге антенна-мачталық құрылғы мен базалық станция орнату жұмыстарын жүргізді. Олар: Асар, Мартөбе, Бадам, Ақниет, Тұран, Азат, Ынтымақ-2, Игілік, Шапағат, Достық (автоцон), Ақжар, Достық, Ақтас, Ақжайық елді мекендері, — деді ол.
Биыл интернет сапасы төмен 29 нүктеге базалық станция орнату жұмыстары жоспарлап, сәулет, қала құрылысы және жер қатынастары басқармасымен бірлесе жер телімдерін рәсімдеу мен инвесторлар тарапынан антенна-мачталық құрылғыларды орнату жұмыстары жүргізілуде екен.
— Бұдан өзге, жеке инвесторлар қарастырылып қаладан шалғай орналасқан 20 елді мекенді талшықты оптика желісімен қамту жұмыстары жоспарға енгізіліп, тізімі бекітілді. Оның ішінде 14 елді мекенде тиісті жұмыстар жүргізілді. Олар: Қайнарбұлақ саяжай аумағы, Нұршуақ, Бозарық, Ынтымақ-1 және Ынтымақ-2, Оңтүстік е/м, Кіші Самал, 112-Орам, Карл-Маркс, Тассай бөлімшесі, Тараз, Шапағат, Наурыз және Мирас. Сондай-ақ қалған 6 елді мекенге оптика желісін жүргізу үшін қажетті құрал жабдықтар алынуда. Тиісті жұмыстар жыл соңына дейін атқарылып, 210 мыңға жуық қала тұрғыны жоғарғы жылдамдықты интернет желісіне қосылады, — дейді Шымкент қаласы цифрландыру басқармасы басшысының орынбасары Айдос Өмірәлі.
2000 символ
