Куәгерлердің айтуынша, 17 желтоқсанға қараған түні №23 үйде орналасқан спорт барына келушілер арасында жанжал болды. Ары қарай төбелес мекеменің кіреберісіндегі көшеде жалғасты, деп хабарлайды Lada.kz.
Бір топ ер адам жаға жыртысқандарды ажыратпақ болды, көп ұзамай оқиға орнына полиция қызметкерлері де келді.
«Полиция басқармасына 33 және 34 жастағы күдіктілер жеткізілді. Бұл факт ҚР ҚК 293-бабының 2-бөлігі (бұзақылық) бойынша сотқа дейінгі тергеп-тексерулердің бірыңғай тізілімінде тіркелген. Тергеу жүргізілуде», — деп түсіндірді ведомствода.
Төбелеске қатысқандарға 5000 АЕК-ке дейінгі мөлшерде айыппұл салынуы немесе 1200 сағатқа дейінгі мерзімге қоғамдық жұмыстарға тартылуы, не бес жылға дейінгі мерзімге бас бостандығынан айырылуы мүмкін.
