Қарқаралыда таңнан бері жабайы қасқыр үш адамға шауып, жарақаттады. Жыртқыш жануар тұрғын үйлердің аулаларына кіріп кеткен, деп хабарлайды Кazinform.
Жыртқыш адамдарға жұмысқа бара жатқанда таңғы алтыда шабуыл жасаған. Қасқырды Қарқаралы көшелерінде жергілікті тұрғындар суретке түсірген. Олардың айтуынша, қаланың шетіндегі көшелерге жабайы жануар орманнан келген.
Жергілікті ауруханаға үш адам жүгінді.
«Зардап шеккен 3 адам аудандық ауруханаға жүгінді. Барлығы амбулаториялық емделуге жіберілді, жараларды емдеп, өңдеген соң, екпе салынды», — деп хабарлады Қарағанды облысының Денсаулық сақтау басқармасы.
Қазір тиісті органдар жануарды аулаумен айналысып жатыр.
«Полицейлер ветеринария органдарымен бірлесіп жабайы жануарды жою бойынша шаралар қабылдауда», — деп хабарлады Қарағанды облысының ПД.
