Маңғыстау облыстық дене шынықтыру және спорт басқармасының бұрынғы басшысы Қанат Жұмабаевқа 3 млн теңге көлемінде айыппұл салынды.
Басқарманың экс-басшысына қатысты қозғалған қылмыстық іс аяқталды.
Оған жаза ретінде 2 917 000 теңге қаржыны мемлекетке төлеу міндеттелді.
Маңғыстау облыстық сотының баспасөз қызметінің мәліметінше, сот алқасы басқармада жұмыс істеген тағы бір лауазым иесіне 2 333 600 теңге көлемінде айыппұл салып, өмір бойына басшылық қызмет атқару құқығынан айырған.
«Лауазымды тұлға басшылық қызметте жұмыс істеп жүргенде „Каспий“ футбол клубына 4 адамды жұмысқа алған. Алайда менеджер, комендант, инспектор секілді қызмет атқаруы тиіс адамдар жұмыс келмей, айлық еңбекақысын заңсыз алып отырған. Соның алдарынан мемлекетке 2 090 189 теңге залал келді», — деп жазылған облыстық соттың хабарламасында.
inform.kz
