TikTok желісінде Қазақстанға бет алған тропикалық дауыл туралы хабарлаған видео тарады. Оған сәйкес, 2024 жылдың 9-10 ақпаны аралығында жел 100 км/сағ-қа дейін күшейеді. Ақпаратқа «Қазгидромет» РМК түсінік берді, деп хабарлады Stopfake.kz.
«Қазгидромет» РМК Қазақстан тұрғындары мен қонақтарына тараған видеода бірқатар қателік бар екенін хабарлайды. Бейнежазбада талқыланған циклон Қазақстан аумағында емес, біздің республикаға Скандинавия аймақтарынан көшіп келді және 7 ақпаннан бастап ел аумағының басым бөлігін қамтиды. Жел күшіне келетін болсақ, бұл видеода көрсеткіштер 100 км/сағ делінген, ол м/с бойынша 27-28 м/с құрайды. Сондай-ақ, «Қазгидромет» РМК 6 ақпанда 2024 жылдың 6 ақпаны күнгі сағат 21:00-ден 9 ақпан күнгі 21:00-ге дейін желдің күшеюіне байланысты желдің 30 м/с немесе одан да көп болатыны туралы СМҚ (стихиялық метеорологиялық құбылыс) ескерту жарияланғанын хабарлайды.
Аймақтар: Ақмола облысы, Ақтөбе облысы, Жамбыл облысы, Қостанай облысы, Павлодар облысы, Солтүстік Қазақстан облысы, Түркістан облысы. Ауа райына байланысты ескертуге сәйкес, 7-9 ақпанда Қазақстанның басым бөлігінде жел 23-28 м/с күшейеді, екпіні 30 м/с немесе одан да көп болады, содан кейін циклон Қазақстан аумағынан тыс аймаққа ауысады,- делінген баспасөз қызметінің хабарламасында.
«Қазгидромет» РМК Қазақстан тұрғындары мен қонақтарын ресми ақпаратқа сенуге шақырады. Төтенше жағдайлар департаментінің 112 бірыңғай кезекшілік-диспетчерлік қызметіне, және ауа райына байланысты ескертулерді сайт пен DARMEN мобильді қосымшасынан бақылауға кеңес береді.
