Қызылордада шахматтан Қазақстанның командалық чемпионаты басталды

Қызылордада «Нұрсәт» теннис орталығында ардагерлер арасында классикалық шахматтан Қазақстан Республикасының командалық чемпионаты ашылды.
Жарысқа 100 шахматшы қатысуда. Еліміздің аймақтарынан, сондай-ақ Астана, Алматы және Шымкент қалаларынан 13 команда бақ сынауда.
Жарыстың ашылу салтанатында ҚР Шахмат федерациясының вице-президенті Марат Есенов, ҚР Шахмат федерацияның атқарушы директоры Гүлмира Дәулетова, сонымен қатар Қызылорда облысының денешынықтыру, спорт және туризм басқармасы басшысының орынбасары Жігер Айекешов сөз сөйлеп, шахматтан Қазақстан біріншілігінің өзіндік ерекшеліктеріне тоқталып, барлық қатысушыларға сәттілік тіледі.
Жарыс жеңімпаздарының аты-жөні 6 сәуір күні белгілі болады.