Оңтүстік Корея президенті Юн Сок Йолды тұтқынға алынды, ол импичмент жарияланғаннан кейін биліктен шеттетілген болатын, деп хабарлайды BBC.
Елде әскери жағдай енгізу әрекетінен кейін президентке импичмент жарияланған. Бұл – Оңтүстік Корея тарихында қызметінен уақытша шеттетілген болса да қазіргі президенттің алғашқы тұтқындалуы.
Президент резиденциясында ұзаққа созылған қақтығыстан кейін тергеушілер Юнды жауап алу үшін Жемқорлықты тергеу бюросына (аға шенеуніктерге) жеткізді.
Бұған дейін ол қамауға алуды заңсыз деп санайтынын, бірақ қантөгіске жол бермеу үшін тергеушілер мен полицияға тапсыруды ұйғарғанын айтып, видео түсірген.
«Бұл іс заңсыз болса да, мен қажетсіз қантөгісті болдырмау үшін Сыбайлас жемқорлықты тергеу бюросына хабарлауды жөн көрдім. Бірақ бұл олардың істі ашуына келісемін дегенді білдірмейді», — деді президент.
Ол елде заңның бұзылып жатқанын, оған қарсы іс қозғаған тергеу органдарының да, қамауға алу туралы санкция берген соттың да бұған құқығы жоқ екенін айтты.
Айта кетейік, 3 қаңтар күні таңертең ондаған полиция көлігі экс-президенттің резиденциясын қоршап алған болатын. Тергеушілер полицейлердің көмегімен аумаққа кірмек болған, бірақ оларды әскери бөлім тоқтатқан. Әскерилер кейінірек кіруге рұқсат берді, бірақ Юнның қауіпсіздік тобы қамауға алуға тосқауыл қойған.
