Тарихшы, психолог Сейілбек Мырзабай Жанар Байсемізге берген сұхбатында телефонға тәуелді балалар жайлы айтты, деп хабарлайды Azattyq Rýhy.
«Жақында, қысқы каникул кезінде лагерь өткіздім. Олардың негізгі проблемасы телефонға тәуелді болған соң, 10 күн оны қолдануға болмайды дедім. Кешке жақын кей балалар терезені ашып, демалып жатыр екен. «Жүректерің ауыратын ба еді, не болып қалды?» дедім. Олар «ауа жетпей жатыр, кеудеміз қысып барады» деді. «Кейін бір сағатқа телефон берсеңіз, ауырған жерлеріміз қояды» деп ашығын айтты», — деді Мырзабай.
Оның айтуынша, бұндай белгілер балалардың телефонға әбден тәуелді болып қалғанын анық көрсететін факторлар.
«Кейде «телефонды бер» деп жер тепкілейді. Ол балалардың ата-аналарына хабарластық, «масқара» ғой дедім. Ата-ана болса бұл баласының еркегілі деп ойлайды екен. Ал бұл еркелік емес. Үлкен проблеманың бастауы ғой», — деді Сейілбек Мырзабай.
