Танымал отандық актер Серік Шәріп (лақап аты – Шакенти) соққыға жықты деп айыптаған бойжеткеннің оқиғасынан кейін бұрынғы жұбайы, танымал рэпер Мөлдір Есембек (лақап аты – Say Mo) басынан өткен жағдайын айтты, деп хабарлайды Azattyq Rýhy.
Айтуынша, өзі де бес жыл бұрын актердің қорлығына шыдай алмаған.
«Бұрынғы оқиға қайталанғаны өкінішті. Бірақ шынымды айтсам, бұл адамның әрекетіне мүлдем таң қалған жоқпын. Абьюзерлердің эгосы тым үлкен. Олар өзінің кінәсін мойындамайды, өзін дұрыс емес деп ешқашан ойламайды әрі олар ешқашан да өзгермейді. Ешқашан. Олардың ойынша, олар нағыз идеалды адам», — деп жазды Say Mo.
Әнші келесі Stories-те атышулы блогер Роза Әшірбайдың сөзін жариялайды.
«Say Mo Шакентиден кеткен кезде жұрт қызды кінәлап, жігіт сүттен ақ, судан таза болып шығып еді. Әділетсіз, зорлықшы адамды ешқашан жақтауға болмайды. Өйткені оның «жақсы» образына басқа қыздар алданады. Енді Әлияның (актердің бұрынғы сүйіктісі) сөзінен кейін сенетін шығарсыздар», — дейді Роза Әшірбай.
Осыдан кейін әнші блогерге жазған хатын жариялайды.
«Роза ханым, шынымды айтсам, мен мүлде таң қалған жоқпын. Осы жігіттен 5 жыл бұрын талай хоррор көріп едім, әлі күнге дейін терапиядамын.
Менде сол кезде дәлел болмағандықтан, осы тақырыпты ашық қозғауға қорыққан болатынмын. Себебі оның анасы – адвокат. Оның үстіне таныстарымның бәрі мені кінәлап, менен бет бұрған.
Есімде Вавилон тұрғын үй кешенінің алдында қол көтерген болатын. Сол тұрғын үй кешеніне хабарласып, видеосын ала алған жоқпын. Ал сол түні не болғанын айтып бастасам ұзақ және қорқынышқа толы әңгіме.
Айтайын дегенім, қыздар көбісі ойлайды: «менің қасымда ол ондай болмайды», ал ең қорқыныштысы «мен оны өзгертіп аламын». Бірақ біз көрген жағдай…» — делінген Say Mo-ның Роза Әшірбайға жазған хатында.
