Шерзат Полаттың өлімі бойынша сот алдында жауапқа тартылған тоғыз айыпталушының арасында 17 жастағы мектеп оқушысы да бар, деп хабарлайды Azattyq Rýhy.
Бүгін басталған басты сот талқылауында сотталушылар өзін таныстырып жатыр. Айыпталушылар арасында орта мектептің оқушысы да бар болып шықты.
17 жастағы Думан Ысқақ Алматы облысы Талғар ауданындағы Рысқұлов ауылы №16 орта мектебінде 11-сыныпта оқиды екен.
Судьяның «сотқа дайынсыз ба?» деген сұрағына:
«Иә, дайынмын», -деп жауап берді кәмелет жасына толмаған сотталушы.
