Деректерге сәйкес, алтын, күміс және платина бағалары өсіп келеді, ал биржалық сауда барысында котировкалар рекордтық көрсеткіштерге жетті.
Астана уақытымен сағат 09:30 жағдайы бойынша, Нью-Йорктегі Comex биржасында сәуірлік алтын фьючерсі өткен жабылуға қарағанда 1,87%-ға немесе 93,2 долларға өсті — 5 079,90 доллар/трой унцияға жетті. Сауда кезінде бағалар рекордтық 5 128,85 долларға дейін көтерілген.
Сол уақытта наурыз айына арналған күміс фьючерсі 6,62%-ға қымбаттап, 108,05 доллар/унция болды. Сауда барысында рекордтық максимум — 109,32 доллар — тіркелді.
Платина бағасы аптаның басынан бері 4,8%-ға өсті. Биржада алғаш рет 2 800 доллар/трой унция межесі асқан. Астана уақытымен сағат 09:30 бойынша сәуірлік фьючерс 4,84%-ға өсті, 2 874 долларға жетті. Сауда кезінде максималды көрсеткіш — 2 897 доллар — жаңа тарихи рекорд болып тіркелді.
