Қазақстан Президенті Қасым-Жомарт Тоқаев Генеральдық прокуратурада өткен кеңесте елдегі ауқымды реформалар туралы айтты. Мемлекет басшысы атап өткендей, алдағы кезеңде конституциялық реформа жүргізіліп, сапалы жаңа саяси жүйеге көшу жоспарланған.
Президент қазіргі заманғы талаптарға сәйкес қоғамның барлық саласында цифрландыру мен жасанды интеллект енгізудің маңызын еске салды.
«Шетелдің кейбір елдерінде күрделі жағдайларды ескере отырып, біздің жүргізіп жатқан саясатымыздың дұрыстығына күмән жоқ. «Заң және тәртіп» мемлекеттік саясаттың негізгі қағидаты ретінде қарастырылуы тиіс. Бұл өмірлік маңызды постулат ешқашан өзектілігін жоғалтпайды. Менің пікірімше, ол жаңа Конституцияның мәтініне міндетті түрде енгізілуі қажет. Мұны іске асыруда Генеральдық прокуратураның рөлі зор, қызметкерлер заң бұзушылықтарға бей-жай қарауға құқығы жоқ», – деді Президент.
Естеріңізге сала кетейік, бұрын Конституциялық комиссияның алғашқы отырысында Мәжіліс депутаты Унзила Шапақ Конституцияның преамбуласын жаңарту және негізгі заң мазмұнын қазіргі талаптарға сәйкестендіру жөнінде ұсыныс білдірген. Депутат «Әділетті Қазақстан» идеясын және оның негізгі принципі «Заң және тәртіпті» преамбулада бекіту арқылы мемлекеттің және қоғамның жаңа философиясын айқындауды ұсынған.
