2026 жылы Қазақстанға бірнеше әлемдік жұлдыз концерттермен келеді. Бұл туралы Kazakh Tourism басқарма төрағасы Талгат Газизов айтты.
Газизовтың сөзінше, бірінші концерт мамыр айында өтеді. Жоспарланған орындаушылар қатарында Tyga, Timbaland, Николь Шерзингер, Keri Hilson, Flo Rida, Busta Rhymes және басқа да халықаралық деңгейдегі әншілер бар.
Сонымен қатар, жылдың соңына дейін елде кемінде бес концерттің өткізілуі жоспарланған.
Еске сала кетейік, 21 қыркүйекте “Астана Арена” стадионында Backstreet Boys тобы өнер көрсетті. Ұйымдастырушылардың мәліметінше, концертке 45 елден, соның ішінде Германия, Польша, Франция, Түркия, Финляндия, Литва, Эстония, Чехия, Сербия, Греция, Әзербайжан, Ресей және Өзбекстаннан 12 мың турист келді.
Ал 10 тамызда Алматыдағы Орталық стадионда Дженнифер Лопес Қазақстанда алғаш рет концерт берді. Бұл қала әншінің Up All Night әлемдік турының елдегі екі қаласының бірі болды.
