Клуб мәліметінше, бұл шешім медициналық көрсеткіштерге байланысты қабылданған. Дастан қазіргі уақытта Қатарда емдік курсынан өтіп, мамандардың бақылауында қалуда.
Емдеу рәсімдері аяқталған соң, Сатпаев «Қайратқа» Алматыда қосылады деп күтілуде.
https://www.instagram.com/p/DUiIIrZAphE/?igsh=MW93N2liZDZ2NTM2MA==
Осы маусымда Дастан Сатпаев — алматылық команданың шабуыл желісіндегі негізгі ойыншылардың бірі.
«Англия таң қалады»: Кварацхелияның әріптесі Сатпаев туралы
Еске салсақ, Дастан Сатпаев — 17 жастағы «Қайрат» және Қазақстан құрамасының қанаты, оның Лондонның «Челси» клубына трансфері өткен жылдың басында жарияланған еді.
Бұл маусымда Дастан Лига чемпиондарының жалпы кезеңінде гол соққан алғашқы қазақстандық болды, сондай-ақ ұлттық құраманың тарихындағы ең жас гол авторы атанды.
Бұған дейін 17 жастағы шабуылшы әлемдегі басты таланттар тізіміне енген еді.
