Польша тұрғындары пошта жәшіктерінен қауіпсіздікке арналған арнайы жадынамалар тауып жатыр. Буклеттерде соғыс қаупі, электр жарығының жаппай сөнуі (блэкаут) және паналайтын орындарға қатысты әрекеттер жазылған.
Нұсқаулықта азаматтарға төтенше жағдайларға алдын ала дайындалу ұсынылады. Атап айтқанда, ұйықтайтын қаптар, жылы киім, рациялар, шоколад батондары, маңызды жеке заттар, шамдар, құжаттар, павербанк, бөтелкедегі су қоры, суды тазартуға арналған сүзгілер мен дәрі қобдишасы болуы қажет екені көрсетілген.
Бұл жадынамалар тұрғындардың қауіпсіздігін қамтамасыз етуге бағытталған сақтық шарасы ретінде таратылып жатыр.
