Компания сервистерді жетілдіру аясында жоспарлы жаңартулар жүргізілетінін хабарлады. Осыған байланысты 14 ақпан сағат 21:00-ден 15 ақпан сағат 08:00-ге дейін компания сүйемелдейтін жобалардың жұмысы уақытша шектелуі мүмкін.
Азаматтарға барлық қажетті операцияларды алдын ала аяқтап, қажет болған жағдайда құжаттардың түпнұсқасын дайындап қою ұсынылды.
Компания мәліметінше, 00:00-ден 02:00-ге дейін цифрлық құжаттар ішінара қолжетімсіз болуы ықтимал. Алайда ЭЦҚ арқылы алдын ала авторизация жасалған жағдайда құжаттар офлайн режимде қолжетімді болады. Бұл мүмкіндік техникалық жұмыстар кезеңінде сақталады.
Сонымен қатар 21:00-ден 00:00-ге дейін электрондық цифрлық қолтаңба (ЭЦҚ) алу кезінде шектеулер туындауы мүмкін.
Ал eGov порталы көрсетілген уақытта штаттық режимде жұмыс істейді.
