Бұған дейін хабарланғандай, бюллетеньде мынадай сауал беріледі:
«2026 жылғы 12 ақпанда бұқаралық ақпарат құралдарында жарияланған Қазақстан Республикасының жаңа Конституциясын қабылдайсыз ба?»
Азаматтарға екі жауап нұсқасы ұсынылады:
– «иә – қабылдаймын»;
– «жоқ – қабылдамаймын».
Әр жауаптың тұсында белгі қоюға арналған арнайы бос ұяшық болады. Сұрақ пен жауаптар қазақ және орыс тілдерінде қатар беріледі.
Еске сала кетейік, Қасым-Жомарт Тоқаев 2026 жылғы 15 наурызда республикалық референдум өткізу туралы жарлыққа қол қойған болатын. Сонымен бірге жаңа Конституция жобасының толық мәтіні ресми түрде жарияланды.
Егер құжат көпшілік дауыспен қолдау тапса, жаңа Конституция 2026 жылғы 1 шілдеден бастап күшіне енеді. Осы мерзімге дейін қолданыстағы Парламент өз жұмысын жалғастырады.
Сондай-ақ референдумды ұйымдастыру мен өткізу кезеңдері белгілі болды. Тұрақты тіркелген 12 416 759 азамат сайлаушылар тізіміне енгізілген.
Бұдан бөлек, қазақстандықтардың онлайн дауыс беру мүмкіндігі қарастырылатыны жөнінде мәлімет тарады. Референдумды ұйымдастыруға Үкімет резервінен 20 миллиард теңгеден астам қаражат бөлінбек.
