«Ноябрь» хитімен танылған Мақпал Исабекова бұл жолы көпшілікті тек әнімен емес, өмірге деген жаңа көзқарасымен таңғалдырды. Әнші Мальдив аралдарында демалып жүріп, өзіне тән батыл әрі шынайы жазбаларымен желіні дүр сілкіндірді.
41 жастағы жұлдыз: «Мен — жасырынатын адам емеспін. Мен тым жарқынмын» деп, өзінің жаңа кезеңін ашық жария етті.
Желі қолданушылары да үнсіз қалмады — пікірлер легі бірінен соң бірі қарша борады:
«Ажырасқаннан кейін әйелдер неге бұлай гүлдейді?»
«Отсың! Неткен сұлулық!»
«Мүсін — мінсіз!»
«Бұрын даусы үшін сыйлайтын едім, енді болмысың үшін жақсы көріп кеттім»
«Жарқырау үшін туғансың!»
Көпшілік бір ауыздан: «Жалғыз болған — жаман адаммен болғаннан әлдеқайда жақсы» деген пікірге тоқтағандай.
2026 жылдың наурызында Мақпал Исабекова Динара Сәтжанға берген сұхбатында жеке өміріндегі өзгерістерді алғаш рет ашып айтқан еді. Оның сөзінше, ол күйеуімен бір жылдан бері бірге тұрмаған, ал ресми түрде неке 2025 жылдың ақпанында бұзылған. Төрт жылдық некеден екі бала дүниеге келген.
Ал бұған дейін әнші қысқа ғана, бірақ мағынасы терең жазба қалдырған: «Көп сөйлемеймін. Енді мені әндерім сөйлетеді».
Сірә, бұл — жаңа Мақпалдың тың соқпағы. Жарасын жасырмай, жанын өнермен емдеген, енді қайтадан жарқырауға дайын әйелдің жан сыры дерсің.
