Қазақстан темір жолы» компаниясы Қызылорда облысы аумағында жүк пойызы локомотивінің өртену себебін анықтап жатыр. Бұл туралы ҚазАқпарат хабарлайды.
«Осы жылдың 16 мамырында Қызылорда-Жосалы учаскесінде жүк пойызының локомотиві өртенді. Оқиға салдарынан ешкім зардап шеккен жоқ. Өрт аудандық өртке қарсы қызмет күшімен жедел түрде өшірілді», — деп атап өтеді «Қазақстан темір жолы» компаниясының баспасөз қызметінен.
Компания мәліметінше, оқиға орнына қосалқы локомотив жіберілген.
Өрттің шығу себептерін анықтау жұмысы жүріп жатыр.
