Жетісу облысында толассыз жауған жаңбыр суынан пайда болған сел екі көпірді алып кетті. Бұл ақпаратты облыстық төтенше жағдайлар департаменті де растады. «Бұл жағдай Сарыөзек-Қарашоқы тас жолында болды. Құбырлы өткелдер орнатылған 2 жерді су жарып өтті. Судың көлеміне төтеп бере алмады. Қазір жауын басылды, су деңгейі төмендеді. Қаза болғандармен зардап шеккендер жоқ», — деді ведомствоның баспасөз қызметі. Оқиға орнында құтқарушылар мен полиция қызметкерлері жұмыс істеп жатыр, қауіпсіздік бекеттері орнатылды.
JQ-Aqparat
