Шымкент қаласының Жастар ресурстық орталығының ұйымдастыруымен «Базар жастар лигасы» турнирі өтті. Турнир – екі кезеңді қамтиды. Бірінші кезең — ұлдар арасында футболдан, екінші кезең — қыздар арасында волейболдан жарыс өтеді.
Турнирдің мақсаты – базар және сауда орындарындағы жастарға салауатты өмір салтын насихаттау, бос уақытын тиімді ұйымдастыру және жастар арасында бұқаралық спортты насихаттау.
Базар жастар лигасына Шымкент қаласында орналасқан базарлар мен сауда орындарынан 200-ге жуық өтінім түсіп, ережеге сәйкес, 160 жастан тұратын 16 команда жасақталды. Атап айтқанда Барыс, Тұлпар, Авто-Нұр, Айна, Жібек жолы, Алаш, Акбар, Көне қала, Пионер, Орталық қырғы базарлары және Технодом, Evrika, Магнум, Мечта, Sulpak, Север сауда орталығы командаларынан құралған.
«Базар жастар лигасы» турниріне Дене шынықтыру және спорт басқармасымен бекітілген 4 төреші алқасы тартылған. “Жастар ресурстық орталығы” КММ-нің басшысы Мағжан Исахов турнирді ашылу рәсіміне қатысып, барша жастарды Халықаралық жастар күнімен құттықтап, турнирге қатысушы жастарға ыстық лебізін жеткізді. Сонымен қатар, салауатты өмір салтын ұстанушы жастардың жұмысына сәттілік тіледі.
Турнир – ұлдар арасында футболдан, қыздар арасында волейболдан ұйымдастырылып, ұлдар арасында 1 апта бойына төрешілердің бекіткен кестесіне сәйкес өткен болатын.
Бүгін турнирдің екінші кезеңі басталып, қыздар арасында волейболдан жалғасын тапты. Турнирдің мақсаты – базар және сауда орындарындағы жастарға салауатты өмір салтын насихаттау, бос уақытын тиімді ұйымдастыру және жастар арасында бұқаралық спортты насихаттау.
«Базар жастар лигасы» турниріне Дене шынықтыру және спорт басқармасымен бекітілген төрешілер алқасы мен спорт түрлері бойынша 5 төреші тартылған. Турнир ережесі негізінде қыздар арасында I-орын(10-планшет), II-орын(10-смартфон) және III-орын(10-велосипед) иегерлері анықталып, Ішкі саясат және жастар істері жөніндегі басқармасы басшысы атынан арнайы дипломдар мен кубок табысталатын болады.
