Шымкент қаласында «JAS SARBAZ – 2023» әскери-патриоттық лагері өз жұмысын бастады. Екі күнге жалғасатын іс-шара барысында қаладағы 12 мектептің «Жас сарбаз» сыныптары арасында әскери-патриоттық турнир өтеді. Оқушыларды отансүйгіштікке тәрбиелейтін жарысты қалалық ішкі саясат және жастар істері жөніндегі басқармасы білім басқармасымен бірлесе ұйымдастырып отыр.
–Мемлекет басшысы Қ.Тоқаев «Қазақстан ортақ үйіміз. Елімізді қорғау барлығымыздың азаматтық парызымыз», деген болатын. Жастарға әскери-патриоттық тәрбие беру – баршамыздың ортақ міндетіміз. Өйткені, ол тек әскери тәртіпке ғана емес, білімге, достық пен адалдыққа және тапқырлыққа жетелейтіні мәлім. Ал, бүгінгі жиынның мақсаты – жастардың бойында Отанға деген сүйіспеншілік сезімін оятып, ел мен жер болашағына деген жауапкершілікті сезіндіру,- деді жиынға қатысқа Шымкент қалалық ішкі саясат және жастар істері жөніде басқарма басшысының орынбасары Серғазы Әбілқайров.
«Жас Сарбаз» әскери-патриоттық қозалыцсының мақсаты өскелең ұрпақтың бойында жоғары патриоттық сезімдер мен адамгершілік қасиеттерді, азаматтық белсенділікті, патриотизмді, рухани-адамгершілік дамуды және Отан алдындағы жауапкершілік сезімін тәрбиелеу, салауатты өмір салтын насихаттау және әскери-қолданбалы спорт түрлерін танымал ету болып табылады.
«Жас сарбаз» клубтарына 5-9 сынып аралығындағы денсаулығы бойынша тексеруден өткен, білім мен спортта белсенді жасөспірімдер қабылданады. Сүзгіден өткен таңдаулылар жинақталған «Жас сарбаз» сыныптарының сабақтары қосымша оқу ретінде жүргізіледі. Оқу курсын аяқтаған соң тәрбиеленушілерге сертификаттар беріледі. Бұл болашағын әскери саламен байланыстыруға ниетте жастарға оң септігін тигізері анық.
Бүгінде шаһардағы 12 мектептің «Жас сарбаз» мамандандырылған сыныптарда 100-ден аса оқушы білім алуда. Осымен екінші рет ұйымдастырылып отырған сайыста қушылар екі күн бойына кермеге тартылу, футбол, волейбол, шалқалап жатып денені көтеру, қаруды шашып, қайта құрау, қорғаныс және әскери киімдерді жылдам кию, 100 метрге жүгіру және әскериленген эстафета бойынша бақ сынайды. Патриоттық жарыстың осы жолғы ерекшелігі – садақ ату ұлттық спорты енгізіліп отыр. Лагерде жас сарбаздардың қауіпсіздігін қамтамасыз ету үшін әр топқа бір әскери жетекші бекітілген.
