«Бастау Бизнес» жобасы аясында кәсіпкерлік негіздерге оқытуға 1900 азамат қатысып, 447 адамға өтеусіз негізде мемлекеттік грант беру жоспарланған. Бүгінге дейін 228 адам мемлекеттік грант иегері атанып отыр.
Биыл Шымкент қаласы бойынша жұмыспен қамту шараларына 57 181 азаматты қатыстыру жоспарланып, 1 қазанға дейін 56 379 адам қамтылған. Жылдық жоспар 99 пайыз жүзеге асырылып отыр. Бұл туралы Шымкент қалалық жұмыспен қамту және әлеуметтік қорғау басқармасы мәлімдеді.
«2021-2025 жылдарға арналған кәсіпкерлікті дамыту» ұлттық жобасы шеңберінде 33 500 адамды қамту жоспарланса, бүгінге дейін нақты 33 364 адам қатысып, көрсеткіш 99,6 пайызға жеткен.
— «2021-2025 жылдарға арналған кәсіпкерлікті дамыту» ұлттық жобасы шеңберінде қамтылған азаматтардың 11 286-сы кәсіпкерлікті қолдау бағыты бойынша іріктелген. «Бастау Бизнес» жобасы аясында кәсіпкерлік негіздерге оқытуға 1900 азамат қатысып, 447 адамға өтеусіз негізде мемлекеттік грант беру жоспарланған. Бүгінге дейін 228 адам мемлекеттік грант иегері атанып отыр. Сонымен қатар, 7 856 адам субсидияланатын жұмыс орындарына жолданып, 9 156 адам тұрақты жұмысқа орналасса, 5 066 адам кәсіптік оқытуға жіберілді. Ал, 23 420 азаматты Шымкент қаласында іске асырылып отырған ұлттық жобалар және азаматтардың жеке бастамасымен құрылған жұмыс орындарына орналастыру жоспарланған, – делінген басқарманың хабарламасында.
Мамандардың айтуынша, 2023 жылдың 9 айында 23 420 азаматтың 22 870-сі жаңадан құрылған жұмыс орындарына жұмысқа қабылданып, жылдық жоспар 97,7 пайызға орындалған. Мұндағы жаңадан құрылған жұмыс орындардың 22438-і тұрақты(98%), 432-сі уақытша жұмыс орны(2%).
Айта кетейік, ҚР Президентінің тапсырмасына орай биыл 21-35 жас аралығындағы 261 азаматқа жеңілдетілген 2,5 пайыздық шағын несие беру жоспарланған. Бүгінге дейін 379 үміткер бизнес жобасын таныстырып, оның 209-ы комиссияның оң қорытындысына қол жеткізген. Нәтижесінде 145 азаматқа шағын несие беріліп, басым көпшілігі өз кәсіптерін бастап үлгерген.
1784 символ
