Мемлекеттік қызмет істері агенттігінің Түркістан облысы бойынша департаменті Мемлекеттік қызметшінің кәсіби-тұлғалық болмысын жетілдіруге бағытталған қадамдық жоспар «Құқықтық сауаттылық» жобасы аясында онлайн вебинар форматында семинар-тренинг өткізді.
Оған жергілікті атқарушы органдардың тәртіптік комиссияларының төрағалары, персоналды басқару қызметі және Әдеп жөніндегі уәкілдері қатысты. Іс-шараның мақсаты – мемлекеттік қызметшілердің құқықтық сауаттылығын арттыру, талдау жұмыстары негізінде мемлекеттік қызмет саласындағы заңнама нормаларын түсіндіру.
Семинар-тренинг барысында тәртіптік комиссиялардың жұмысына және мемлекеттік қызметшілердің жауаптылығын қарау кезіндегі кұқықтарының сақталуы бойынша талдау жүргізілді. Талдау нәтижелері бойынша анықталған кемшіліктерге жалпы шолу жасалып, оның заңнамалық негіздері талқыланды, Сонымен қатар тәртіптік практиканы бірыңғай қолдану, мемлекеттік қызметшілердің қызметтік іссапарларға бару және оларға еңбек демалысын беру және оның төленетін ақысын қамтамасыз ету және мемлекеттік органды тарату немесе қайта ұйымдастыру, штат санын қысқарту, мемлекеттік орган ішіндегі басқару құрылымын өзгерту кезінде құқықтардың сақталуы бойынша түсіндіріліп, тәжірибелік нақты кейстерді шешу арқылы қатысушыларды бұзушылықтарды болдырмау бойынша жұмысқа бағдарлау жүзеге асырылды. Қатысушыларға семинар-тренингте алған ақпараттары туралы мемлекеттік органдарында мемлекеттік қызметшілердің құқықтарын сақтауға бағытталған іс-шараларды жүргізудің маңыздылығы мен қажеттілігі түсіндірілді.
Сондықтан әрбір мемлекеттік қызметші, ең әуелі халыққа қызмет ететінін естен шығармай, өздері қабылдайтын шешімдердің заңдылығын, әділдігін қамтамасыз етуге тиіс.
