Жуырда үйі өртеніп, тоғыз баласымен далада қалған Мейрамгүл Жақыпованың енді өз баспанасы бар. Кім ойлапты, жазым аяқ астынан келіп, үй жайының бір күнде көкке ұшатынын. Бәрінен бұрын балаларының жайын ойлаған Мейрамгүлдің ниетіне жомарт жандар жолығып, қол ұшын созыпты.
Бұл ретте Түркістан облыстық мәслихатының депутаты, кәсіпкер Сұлтан Көшенов есімді азаматтың қайырымды ісін айтпау кетпеуге болмас. Әсіресе, Рамазан айында мұқтаж отбасыға қайырымды іс жасады. Тілсіз жаудың кесірінен үйсіз қалған 9 балалы отбасыға үш бөлмелі үйдің кілтін табыстап, қуанышқа кенелтті.
Отбасы мүшелеріне жаңа үйді табыстау рәсімінде облыстық мәслихат төрағасы Нұралы Әбішов пен Сұлтан Көшенов баспаналы болған отбасын қуаныштарымен құттықтап, ізгі тілектерін білдірді.
«Мұндай қуанышқа тап боламын деп ойламаппын. Ел ішінде жомарт жандар көп қой. “Көп түкірсе -көл” дейді. Біз сияқты мұқтажы бар отбасыларды далада қалдырмай, қайырымдылық көрсетіп жатқан азаматтарға деген алғысым шексіз. Олардың Рамазан айында жасаған әрекеттері өздеріне екі еселеп қайтсын,- дейді көп балалы ана.
Мейрамгүлге берілген жаңа баспана толық жиһазбен әрі тұрмыстық техникамен жабдықталған. Су, газ, жылу жүйесі толық қосылған. Енді көпбалалы ана балаларымен емін еркін өміп сүретңн болды.
