«Жастар практикасы» бағдарламасы – арнаулы және жоғары оқу орындарының түлектерін жұмыспен қамту мәселелерін шешудегі бірден-бір жол. Ел аумағында бағдарламаны іске асыру бойынша қаншама жастар өз білімдерін практикада сынап көрді. Бұл әсіресе жұмысқа орналаса алмай жүрген жастарға берілген мүмкіндік.
Зикиряев Шухрат Султанұлы қазіргі таңда “Жастар практикасы” бағдарламасы бойынша Мақтаарал ауданы Еңбекші ауылдық округі Әкімшілігінде оператор қызметіне тәжірибе жинақтап жатыр. Шухраттың айтуынша, бағдарлама тәжірибесі жоқ жастар үшін үлкен мүмкіндік. Жұмыспен қамтудың бір көрінісі ретінде жастар осы бағдарламаның игілігін көруде. Мемлекет тарапынан жастарға көрсетілетін қолдау барынша айқын түрде іске асырылып жатыр. Ерінбей адал еңбек етіп, мемлекеттен беріліп жатқан мүмкіндіктерді тиімді пайдаланып жұмыс істеуге өзім сияқты жастарды шақырамын,-дейді жас маман.
Айта кетейік, бұл бағдарлама жастардың өз мамандығы бойынша практикалық тәжірибе жинақтауына жол ашып, келешекте тұрақты жұмыс орындарына орналасуына мүмкіндік береді.
Сала мамандарының айтуынша, «Жастар практикасынан» өту кезеңі жұмыссыздың еңбек өтіліне сәйкес есептеледі.
Бұл ретте «Жастар практикасына» қатысушыға, экологиялық үстемеақылар бойынша төлемдерді есепке алмағанда, салықтарды, міндетті әлеуметтік аударымдарды, пайдаланылмаған еңбек демалысы үшін өтемақыларды және банк қызметтерін ескере отырып, кемінде 30 айлық есептік көрсеткіш көлемінде айлық жалақы төленеді.
Түлектердің көпшілігі практика өткен ұйымда жұмыс істеуге қалады. Көп нәрсе үміткердің өзіне байланысты. Егер ол жастар тәжірибесі барысында өзін танытып, жұмысқа тез кірісіп кете алған болса, оған тұрақты қызметкер ретінде қалуды ұсынады.
1523
