Қазіргі тағда жастар мен жасөспірімдер арасында буллингтің, аутодеструктивтік мінез-құлық, өз-өзіне қол жұмсау фактілері жиілеп кетті. Осы проблеманың алдын алу мақсатында түрлі іс-шаралар жүзеге асырылып жатыр. Мақтаарал аудандық «Жастар ресурстық орталығы» коммуналдық мемлекеттік мекемесінің ұйымдастыруымен «Буллинг және кибербуллинг» атты семинар-тренинг өтті. Семинар-тренингке аталған мекеме психологы Б. Естөреев және Иіржар ауылдық округының инспекторы Б.Шәмшиев және Мақтаарал ауданы, Иіржар ауылдық округі «Асыл мұра» жалпы білім беретін мектептің жоғарғы сынып оқушылары қатысты.
Басты мақсат — қоғамда орын алып отырған жасөспірімдер арасындағы қорлау, мазақтау, намысқа тию секілді жағдайлардын алдын алу.
Оқушылардың буллинг, кибербуллинг туралы жалпы түсінігін қалыптастыру арқылы жауапкершіліктерін арттыру, өзара
сыйластық қарым-қатынасын орнату. Семинар тренинг барысында оқушыларға сұрақтар қойылды.
Жасөспірімдер арасында белең алып отырған тәртіпсіздіктерден сақтану жолдары айтылып, ұсыныстар айтылды. Буллингпен қоса жүретін кибербуллинг (электрондық кеңістікте қудалау, онлайн қатыгездік) — бұл өзін-өзі қорғай алмайтын құрбанға карсы бағытталған, электрондық жолмен әрекеттесуді қолданумен жалғыз немесе бір топ адам жүзеге асыратын ұзақ уақыт бойы жүйелі құдалаудың, қасақана агрессияға толы әрекеттердің бір түрі.
Сонымен қатар, дәл осындай іс-шара Мырзакент кенті, №1 «Мырзакент» мектеп гимназиясының 10 сынып оқушыларымен де өткізілді
Семинар тренинг барысында оқушыларға бейнероликтер көрсетіліп, сұрақтар берілді. Жасөспірімдер арасында белең алып отырған тәртіпсіздіктерден сақтану жолдары айтылып, жағдаяттар ұсынылды.
