Қазіргі заманауи әдістер мен тиімді техникаларды қолдану арқылы тәжірибе алмасып, жұмыстарды жүйелендіру мақсатында «Психология — ғажайып әлем» атты облыстық көшпелі отырыс өтті. Түркістан облыстық Жастар ресурстық орталығының бастамасымен өткен көшпелі отырысты Қазығұрт, Келес және Сарыағаш «Жастар ресурстық орталықтары» ұйымдастырды.
Шара аясындаТүркістан облыстық жастар ресурстық орталығының психолог мамандары арасында тәжірибе алмасып, кәсіби біліктілігін арттырды. Заманауи әдістер мен тиімді техникаларды қолдану арқылы жастар мен жасөспірімдердің мінез-құлқын дұрыс бағытқа қарай бағыттай алады.
Көшпелі отырыс, Түркістан облысы Қазығұрт ауданындағы өнер мектебінде өткізілді. Іс шараға Түркістан облысы «Жастар ресурстық орталығы» коммуналдық мемлекеттік мекемесінің аудан, қаладағы жастар орталығы психолог мамандары және емхана, мектеп психологтары, оқушылары қатысты.
Семинар тренингке қатысушылар арт треапия, саналы ұрпақ -жарқын болашақ, жастар мен жасөспірімдер арасындағы аутодеструктивті мінез-құлықтың алдын-алу және болдырмау, ойынқұмарлық-тәуелділік, лудомания, дискриминация бойынша жұмыстарды күшейту, сондай-ақ, психолог мамандарының қызмет функциясын талдап, құзыреттіліктерін арттыру негізінде әдістемелік көмек көрсету жағдайларын қарастырып, бір-бірімен тәжірибе алмасты.
Шарада Түркістан облысы «Жастар ресурстық орталығы» КММ-нің «Қоғамдық даму және психологиялық көмек көрсету» бөлімінің басшысы Қыпшақбаева Гүлнұр психологияның негізгі бағыттары бойынша түсіндірме жұмыстарын жүргізді.
Сонымен қатар, Төлеби аудандық емхана, білім психологтары арнайы бағыттар бойынша оқушыларға ақпараттандыру жұмыстарын жүргізіп, сергіту сәті жасалды. Шара соңында қатысушыларға алғыс хаттар табыстады.
