Лудомания — қоғам дерті

Мақтаарал ауданында «Жастар ресурстық орталығы» коммуналдық мемлекеттік мекемесінің ұйымдастыруымен «Лудомания- қоғам дерті» атты семинар-тренинг өтті.
Тәуелді адамдармен психологиялық жұмыс жасау бойынша психологтардың, әлеуметтік қызметкерлер мен еріктілердің біліктілігін арттыру мақсатында өткен семинар-тренингті «Көмек» оңалту орталығының психологі, 14 жылдық тәжірибесі бар психолог-психотерапевт маман Серікгүл Сали жүргізді.
Семинар-тренингте Түркістан облысы қоғамдық даму басқармасы «Жастар ресурстық орталығы» коммуналдық мемлекеттік мекемесінің басшы орынбасары Есқұлов Пердебек, Мақтаарал ауданы ішкі саясат бөлімінің басшысы Бабашев Мадияр, аудандық жастар орталығының басшысы Ошантаев Нұркен сөз бастап, іс-шараны ашып берді.
Жеке тәжірибе негізінде арнайы техника, әдіс-тәсілдер тәжірибелік дағдыларды үйрету. Шарада тәуелділік, даму процестері, клиникалық көріністері туралы тақырыптарда тәжірибелер өтілді. Шараға облыс аумағындағы аудан, қалалардан келген «Жастар ресурстық орталығы коммуналдық мемлекеттік мекемесінің психологтары қатысып, өз пікір ойларымен бөлісті.
Айта кетейік, мұндағы басты мақсат осы іс-шара арқылы тәуелді адамдар мен олардың туыстарына кәсіби көмек көрсете алатын мамандарды даярлап шығару. Өйткені қазіргі таңда лудомания қоғамның нағыз дертіне айналды. Әсіресе, жастар мен жасөспірімдер арасында белең алуда. Лудомания немесе ойын құмарлық, адам өмірінде басым рөл ойнайтын, әлеуметтік, кәсіби, материалдық және отбасылық құндылықтардың төмендеуіне әкелетін патологиялық ойын құмарлық.
Мемлекет басшысы осы жаман әдетке, әсіресе, жастар әуес екеніне назар аударып, мемлекеттік органдарға азаматтардың жекелеген санаттары үшін құмар ойындарға қатысты шектеулерді күшейтуді тапсырған еді.