Түркістан облысы «Жастар ресурстық орталығы» КММ-нің ұйымдастыруымен Мемлекет басшысының бастамасымен өтіп жатқан «Таза Қазақстан» экоакциясының «Киелі мекен» апталығында қоршаған табиғат пен көне дәуір рухы үйлесім тапқан киелі орын – Мәжрәтұт тұт ағашында тазалық жұмыстарын жүргізді.
Тазалықты сақтау, оған айрықша мән беру – әрбір адамның туған жеріне деген жанашырлықты қажет етеді. Әсіресе, ауыл тазалығын сақтау өте маңызды шаруа екені айтпаса да түсінікті. Ауылдың тазалығын сақтау – бүгінгі күннің басты талабы мен баршаға ортақ іс. Осы орайда, елді мекеннің айналасын тазалау, қоқыстан арылту, тал-дарақ егу жұмыстары көктемгі көріктендіру, көгеріштендіру екі айлығында жасалады. Бұл тұста ауыл тұрғындарының әрбір іске жанашырлықпен қарап, тиісті дәрежеде жауапкершілікті сезінуі керек-ақ.
⠀
Кентау қаласынан оншақты шақырым жерде орналасқан. Қарнақ ауылында көне зираттың ежелгі тұт ағашы өсіп тұр. Жасы шамамен 1200-1300 жыл. Әдетте тұт 200 жасқа дейін, сирек 300-500 дейін өседі. Қарнақтағы ақсақалдардың айтуынша дарақты VІІІ ғасырда ислам дінін Орта Азия елдеріне тарату мақсатында келген араб қолбасшысы Кутейба ибн Муслим отырғызған. Көне тұт ағашының қурамай, кесілмей осы күнге дейін сақталып қалуына бір ұрпақ емес бірнеше ұрпақ ат салысты. Биіктігі 9 м дейін жетеді. Қарнақ ауылында Қожа Ахмет Ясауи кесенесінде орналасқан тайқазан құйылған.
Сонымен қатар, «Киелі мекен» апталығында Сауран ауданына қарасты Серт ауылында орын тепкен «Үкаша ата» кесенесі абаттандырылып, көгалдандырылды. Діни-рухани ескерткіш болып табылатын «Үкаша ата» кесенесінің жалпы көлемі — 90 гектар жерді қамтиды. Дәл осы аумаққа 400-ге жуық жеміс ағаштары мен қара ағаштар отырғызылды. Экоакцияға жүзге тарта ерікті жастар мен ауылдық округ тұрғындары белсенділік танытты.