Түркістан облысы қоғамдық даму басқармасының «Жастар ресурстық орталығы» коммуналдық мемлекеттік мекемесі мен Келес ауданы ішкі саясат бөлімінің “Жастар ресурстық орталығы” коммуналдық мемлекеттік мекемесінің бірлесе ұйымдастыруымен, «EVENING SPORT» жобасы аясында «Спорт-саулық негізі» атты кіші футболдан турнир өтті.
Жобаның мақсаты жастарды спортпен белсенді айналысуға шақыру, салауатты өмір салтын қалыптастыру, жастар арасында футболды насихаттау және бұқаралық спортты дамыту.
Ел Президенті Қасым-Жомарт Тоқаев жастар арасында салауатты өмір салтын насихаттай отырып бұқаралық спортты дамытудың маңыздылығын айтқан болатын. Осы бағытта көптеген іс-шаралар ұйымдастырылып, ел азаматтарының спортқа деген қызығушылығы күннен-күнге артып келеді. Мәселен қазір әлемдік деңгейде кеңінен тарап келе жатқан спорттың бірі шағын футбол ойындары. Спорттың бұл түрі бойынша халықаралық деңгейден бастап, облыстық, аудандық деңгейдегі біріншіліктер өтіп келеді. Мұны спорттық іс-шара ғана емес достық қарым-қатынасты қалыптастырып, татулық пен ынтымақтастықты арттыратын жарыс деп те айтуға әбден болады.
Осы мақсатта бүгін жастар арасында кіші футболдан турнир өткіздік. Спорттық шараның мақсаты елімізде бұқаралық спортты дамыту, азаматтарды салауатты өмір салтын ұстануға шақыру, достық қарым-қатынасты нығайту болды,-деді Бектаев Ернар.
Шараға облысымыздың аудан, қаласынан 12 команда қатысты.
Жарыс қорытындысына сәйкес жеңімпаздар да белгілі болды.
I орын «Айдос оформление» командасы, Жетісай ауданына берілсе,
II орын «Сарыағаш» командасына бұйырды.
III орынды «Көктерек» командасы, Сарыағаш ауданы иеленді.
“Үздік ойыншы” номинациясын Тұрар Еркебұлан, Келес ауданы
“Үздік қақпашы” номинациясын Сиязбек Қуаныш, Бәйдібек ауданы иеленді.
