Мемлекет басшысы Қасым-Жомарт Тоқаевтың тапсырмасымен елімізде «Таза Қазақстан» экологиялық акциясы басталған болатын. Бұл бастаманы Түркістан облысының белсенді жастары қуанышпен қабылдап, тұрақты түрде тазалық жұмыстарын жүргізіп келеді.
Бүгін, Шардара ауданында Түркістан облысы қоғамдық даму басқармасының «Жастар ресурстық орталығы» коммуналдық мемлекеттік мекемесі мен Шардара аудандық “Жастар ресурстық орталығы” коммуналдық мемлекеттік мекемесінің ұйымдастыруымен Таза Қазақстан» акциясы аясында «Эко-плоггинг» өткізілді.
Акцияға облыс, аудан, қаладан келген жастар орталығының басшылары қызметкерлері, ерікті жастар қатысты.
Акцияның мақсаты – экологиялық мәдениетті қалыптастыру, тұрғындардың, жастардың табиғатқа деген сүйіспеншілігін ояту болып табылады.
Шынында да, тазалық бір мемлекеттік органның қызметкерлері үшін емес, облысымыздың әрбір тұрғыны үшін қажет. Сондықтан, әрине, тазаланған аумақтарды одан әрі күтіп ұстау халықтың адами жауапкершілігіне байланысты.
Ортақ мүдделер үшін бірлескен жұмыс-бұл адамдарды біріктіретін жалғыз ықпалды күш. Әрбір саналы азамат өзі тұратын қаланың, елді мекеннің таза, әдемі болуына өз үлесін қосуы керек. Адамзат барлық махаббатты, мейірімділікті, сұлулықты табиғатта біледі. Сондықтан біздің басты мақсатымыз-табиғатқа ұқыпты, сүйіспеншілікпен, қамқорлықпен қарау, қоршаған ортаның ластануына, зиян келтіруге жол бермеу.
Аталған акция халықтың табиғатқа деген жақсы көзқарасын қалыптастыруға және Шардара жағажайында демалушылардың назарын тазалықты сақтауға және экологиялық мәдениетті қалыптастыруға, жағдайды жақсартуға аударуға бағытталған. Акция барысында облыстың 200-ге жуық белсенді жастары Шардара су қоймасы жағалауларын тазалау жұмыстарын жүргізіп 1,5 тоннаға жуық қоқыстарды командаға бөлініп жинады. Жиналған қоқыс арнайы техникаға артылып полигондарға тасымалданды.
ысқа Мақтаарал ауданынан келген қатысушы Жасұзақов Есімхан.
Жарыс қорытындысына сәйкес жеңімпаздар тізімі төмендегідей:
I орын — Қазығұрт ауданы жастары (150 000тг),
II орын — Сарыағаш ауданы (100 000тг),
III орын — Келес ауданы (70 000тг).
Сонымен қатар қатысқан командаларға арнайы ынталандыру сыйлықтары берілді.
