Жуырда ғана үшінші рет шаңырақ көтерген танымал актер Жаһан Отарғалиев келіншегінің өзіне дейінгі некеден екі баласы бар екенін көрсетті, деп хабарлайды Azattyq Rýhy.
Актер өткен аптада Астанадағы Бас мешітке барып, некесін қиғанын көрсеткен болатын. Алайда әйелінің кім екені, аты-жөні әлі күнге дейін белгісіз.
Актер кезекті видеосында осыған дейінгі сұхбаттарында «Енді тек қана баласы бар келіншек аламын» деген үзіндісін көрсетіп, артынша жаңа келіншегінің екі баласы бар екенін көрсетті.
Желі қолданушылары Жаһан Отарғалиевтің бұл шешімін құп көріп, жылы лебіздерін білдірді.
«Қазақтың қыздарына пана бола білген бір кісі мың кісінің жасай алмайтынын жасады деп ойлаймын», «Құрметім артып кетті ғой», «Сауапты әрекет жасапсың», «Осы әйел адамды бақытты қылуға шамаң жететініне сенімдімін», «Баласы бар әйел де бақытты болуға лайықты деп, балалы әйелді екінші сорт қылмаңдаршы аяп», — деп жазды желі қолданушылары.
Айта кетейік, актер осымен үшінші мәрте үйленіп отыр. Соңғы рет ол 2023 жылдың жазында әнші әйелі Балжан Бидашпен ажырасқаны туралы ресми мәлімдеген болатын.
Ұлы мен келіні ажырасып кеткеннен кейін Жаһан Отарғалиевтің анасы ұлына баласы бар келіншекке үйлену туралы ақыл айтқаны осыған дейін хабарланған болатын.
