Алматы қалалық полиция департаменті мәліметінше, жедел-іздестіру шаралары барысында 11 адам ұсталған. Олардың арасында ұйымдастырушылар, операторлар және қаржылық операцияларға жауапты тұлғалар бар.
Тінту кезінде шамамен 3 келі синтетикалық есірткі тәркіленді. Сонымен қатар байланыс құралдары, банк карталары және қылмыстық әрекеттерді үйлестіру үшін пайдаланылған цифрлық құрылғылар алынды.
Аталған дерек бойынша сотқа дейінгі тергеу басталды.
Бұған дейін Маңғыстау облысы аумағында есірткінің опий тобына жататын заттарды жеткізумен айналысқан төрт адамнан құралған қылмыстық топ жойылған болатын.
