Миллиардтар желге ұшты АФМ есебі Тоқаевты алаңдатты

Касым-Жомарт Токаев еліміздегі қаржы тәртібі мен бюджет қаражатының тиімді жұмсалуына қатысты маңызды есеп тыңдады. Ақордада өткен кездесуде Жанат Элиманов мемлекет басшысына ауқымды заңбұзушылықтар мен миллиардтаған шығындар туралы баяндады.
АФМ деректеріне сәйкес, тек мал шаруашылығы саласында ғана субсидияларды тиімсіз пайдалану қаупі 30 миллиард теңгеге жеткен. Ал ғылымға бөлінген қаражаттың ішінде 10 миллиард теңгеден астам қаржының талан-таражға түскені анықталған. Бұдан бөлек, міндетті әлеуметтік медициналық сақтандыру (ОСМС) қаражатына қатысты 14 іс қозғалып, құрылыс саласында 5,3 миллиард теңгенің жымқырылуына байланысты 21 қылмыстық іс тергелуде.
Қаржы алаяқтарына қарсы күрес те күшейген. 17 қаржы пирамидасы жойылып, банктердің атынан жалған SMS таратып келген алаяқтар тобы әшкереленген. Мыңдаған күмәнді сайттар мен ондаған чаттар бұғатталып, жүздеген жалған құрылыс компанияларының лицензия алу әрекеттеріне тосқауыл қойылған.
Сондай-ақ қылмыстық табысты заңдастыру бағытында да ірі заңсыз схемалар анықталған. Миллиардтаған қаржы айналымы бар дроп-карталар жүйесі әшкереленіп, ондаған мың банк картасы бұғатталған. Криптовалюта арқылы ақша жылыстатумен айналысқан көлеңкелі орталықтар да тоқтатылды.
Мемлекет басшысы аталған мәселелердің маңыздылығын атап өтіп, қаржы тәртібін күшейту, бақылауды қатаңдату және әрбір бюджет теңгесінің тиімді жұмсалуын қамтамасыз ету бойынша нақты тапсырмалар берді.
Бұл жағдай Қазақстанда қаржы саласындағы тәртіп пен жауапкершілікті күшейту қажеттігін тағы бір мәрте көрсетті.