Жастар “ Таза өлкеге “ үлес қосты

Мемлекет басшысы Қасым-Жомарт Тоқаевтың бастамасымен елімізде «Таза Қазақстан» экологиялық акциясы басталған болатын. 5 аптаға созылатын бұл науқанның бірінші аптасы «Таза өлке» деп аталады.
Түркістан облыстық «Жастар ресурстық орталығы» коммуналдық мемлекеттік мекемесінің ұйымдастыруымен «Таза Қазақстан» республикалық экологиялық акциясы аясында «Ғиззат» мотивациялық орталығында тазалық жұмыстарын өткізді. Игі бастамаға облыс жастары белсенді қатысты.
Акцияның мақсаты – экологиялық мәдениетті қалыптастыру, «Адал адам – Адал еңбек – Адал табыс» тұжырымдамасы негізінде отансүйгіштік, табиғатты қорғауға, қоршаған ортаға деген жанашырлық құндылықтарын дәріптеу. Қоршаған ортаны таза ұстауға, экологиялық тазалықты сақтауға атсалысу туған жерге деген сүйіспеншіліктерін ояту. Сондай-ақ аудан, қала көшелеріндегі тазалықты сақтау және экологиялық мәдениетті қалыптастыру мәселелеріне қоғам назарын аудартуға бағытталған.
Қазіргі таңда, аталған орталықта мүмкіндігі шексіз жандар жаттығу жасап, түрлі ем жүргізеді. Бұл орталық әлеуметтік ортаға бейімделумен, оңалтумен айналысады.
Тазалық жұмыстарына қатысқан жастар, бұл — маңызды жұмыс. Қамқорлық жасалған жерде ғана басқалар бақытты бола алатындығын жеткізді.
Тазалықты жанына серік еткен жастар көгалдандыру, аулалардағы арам шөптерді жұлып, ағаштарды әктеу жұмыстарына волонтерлар мен Түркістан облыстық «Jastar ruhy» жастар қанатының белсенділері қатысты. Айта кетейік, акцияға облыс аудандарының жастары, волонтерлары да үлес қосып, белсене қатысты.
Табиғат – ол біздің ортақ байлығымыз. Табиғаттың таза болуы, оның әдемі көрініске енуі біздің әрқайсымыздың үйімізден, ауламыздан, көшемізден басталады. Сондықтан әр қайсысымыз бір адамдай өңіріміздің тазалығына бірге үлес қосайық дейді облыс жастары.