Мемлекет тарапынан берілетін жеңілдетілген несие алып, кәсібін бастаған жастар қатары толығып келе жатыр. Солардың бірі Жетісай ауданы, Асықата кентінің тұрғыны Бекташова Гүлжайна Тұңғышбекқызы. Ол 2023 жылы “Агрокредит” несие корпорациясына өз бизнес-жобасын ұсынып, 4 миллион теңге көлемінде несие алған. Қазіргі таңда өзі тұратын Асықата кентінде «Інжу тәттілері» атты кондитерлік цех ашып, халыққа қызмет көрсетуде.
Қазіргі таңда ол 4 адамды жұмыспен қамтып отыр. Несиенің алғашқы төлемін осы күзде құйып бастамақ. Әрине, алғашқы кезде несие алып, кәсіп бастауға тәуекелі жетпеген. Алайда Гүлжайна Тұңғышбекқызы белді бекем буып, іске кіріскен соң мемлекет тарапынан берілетін несиенің тиімділігі көп екенін байқаған. Ол өзі секілді кәсіп бастағысы келетін жастарды мемлекеттің жастарға беріп отырған мүмкіндігін тиімді пайдалануға кеңес береді.
Сондай жас кәсіпкерлерің бірі Лесбек Қылыш Жорабекұлы Келес ауданы, Бірлік ауылдық округі Жаңатірішілік елді мекенінде тұрады. Өз кәсібін бастау мақсатында 2,5 пайыз жеңілдетілген несие алу үшін «Мал бордақылау» мақсатында өз бизнес жобасын ұсынып, нәтижесінде несиеге қол жеткізген. Қазіргі таңда ауылда жылқы бағып, және оны бордақылауға дайындап жаттыр, ауылдардан ұсыныстар түсіп тұтыныушыларға жеткізіп және одан әрі кәсібін дамытуда.
Қазіргі таңда ауыл жастарына ауылда тұрақты жұмыс жоқ. Дегенмен жеңілдетілген несие алып, кәсіп бастауға мүмкіндік бар. Осы мүмкіндікті пайдаланған Қылыш өзіне жақын кәсіпті бастауға бел шеше кірісіпті.
Ол кәсібін бастаушы жастарға 2,5 пайыздық жеңілдетілген несие алуға кеңес берді, және өз бизнестерін бастауға сәттілік тіледі.
Ал Созақ ауданы, Жартытөбе ауылдық округінің тұрғыны Амангелді Фараби Жұмагелдіұлы жастарға берілетін 2,5% жеңілдетілген несие алып, ауданда мал шаруашылығымен айналысады. Елге үлгі болар азамат қазіргі таңда аудан халқына ет, сүт өнімдерін жеткізіп отыр. Сонымен қатар, бәйге, көкпар сайыстарында ауданымыздың атын республика деңгейіне дейін шығаруда. Фараби жастарға бизнеске қадам басу керектігін насихаттайды.
Түлкібас ауданы Кершетас ауылының тұрғыны.жас кәсіпкер Жорабек Айдос Нұрғалиұлы өз кәсібін бастау мақсатында 2,5 пайыз жеңілдетілген несие алу үшін “Аграрлық несие корпорациясы” АҚ-на өз бизнес жобасын ұсынып, нәтижесінде несиеге қол жеткізген. Қазіргі таңда Түлкібас ауданында «Камаз көлігін алу» бизнес планы бойынша кәсібін ашып,дамытуда.
Сауран ауданы, Ескі Иқан ауылдық округінің тұрғыны Муслимова Махина кондитерлік өнім шығару кәсібін дамыту мақсатында 2,5% пайызбен жеңілдетілген несие алған. Айына 15 өнім түрлерін шығарады. Қазіргі таңда 8 адамды жұмыспен қамтып отыр. Цех жұмыс жасап тұр және өткізу нарығы тұрақты. Кәсібін бастаушы жастарға 2,5 пайыздық жеңілдетілген несие алуға кеңес береді.
Жас кәсіпкер Каипова Жадыра Нұралыққызы Қазығұрт ауданы, Сарапхана ауылдық округінің тұрғыны. Өз кәсібін бастау мақсатында 2,5 пайыз жеңілдетілген несие алу үшін «Жалюзи шығаратын цех ашуға құрал-жабдықтар мен шикізат сатып алу” мақсатында өз бизнес жобасын ұсынып, нәтижесінде несиеге қол жеткізген.
Қазіргі таңда ауылда, аудан көлемінде жалюзге және перде тігуге ұсыныстар түсіп тұтыныушыларға жеткізіп және одан әрі кәсібін дамытуда.
Кәсібін бастаушы жастарға 2,5 пайыздық жеңілдетілген несие алуға кеңес берді, және өз бизнестерін бастауға сәттілік тіледі.
